L'associazione
Territorio
Link
La discografia
Glossario
Pagina principale
Appuntamenti
e-mail

 

El torototèla

 

"Gussa la cortèla tàia el brigàldolo
e metelo in gradèla
son el pòvaro Torototèla
son el pòvaro Torototà
".

L'è rivà el Torototèla l'è rivà el Torototà
co le scarpe tute rote col gilè tuto sbregà

son partito da la Francia e son venuto fino qua
per augurarve bona fortuna e 'na perfeta sanità.

Siora parona me fago avanti par vegnére a domandar
son el pòvaro Torototèla che domanda la carità
e la varda ne la cardensa che calcossa la trovarà
son el pòvaro Torototèla e calcossa la me darà.


E la varda nel baldachin e la tàia un salamìn
son el pòvaro Torototèla la metà la me bastarà
o se polenta o se pur farina la me daga volentiera
son el pòvaro Torototèla la sachetina gò preparà.

E la ringrassio tanto tanto che 'n'antrano so' 'ncora qua
son el pòvaro Torototèla son el pòvaro Torototà.

"Ve ringrassio tuti quanti par i soldi che m'avì dà
ve protega tuti i santi la salute e felicità".

Informatore: Cassini Lidia (Illasi 1930)

 

 

Per contattarci: canzoniere@canzonieredelprogno.it

 

 

 

Free website counter